Gipanghimakak sa Department of Education (DepEd) niadtong Miyerkules, Hulyo 2, 2025, ang usa ka post sa social media nga nag-ingon nga ipatuman sa ahensiya ang polisiya nga magkinahanglan og klase sa Sabado alang sa mga estudyante gikan elementarya hangtod sa senior high school.
“Fake news ang kumakalat na social media post tungkol sa umano’y pagdaragdag ng Saturday classes sa elementary hanggang senior high school,” matod sa DepEd sa ilang pamahayag.
“Para sa opisyal na mga anunsiyo at impormasyon tungkol sa basic education, bisitahin lamang ang official DepEd Philippines social media accounts,” dugang niini.
Nagsugod ang klase niadtong Hunyo 16, 2025, nga adunay kapin sa 27 milyunes nga mga estudyante gikan sa pre-school hangtod sa senior high school. / TPM / SunStar Philippines