DEPW giawhag sa konseho sa pagpangandam sa baha, lunop

DEPW giawhag sa konseho sa pagpangandam sa baha, lunop

Gihangyo sa Cebu City Council ang Department of Engineering and Public Works (DEPW) nga ipatuman ang mga lakang sa gikabalak-an nga pagbaha atol sa ting-uwan aron malikayan ang kadaot nga epekto sa ekonomiya, i­­ngon man ngadto sa mga residente ug kabtangan.

Si City Councilor Jose Abellanosa nipalabang og duha ka resolusyon atol sa regular session niadtong Miyerkules, Hunyo 5, nga nag-awhag sa DEPW ug Department of Public Works and Highways (DPWH) nga mangandam sa ting-ulan.

Usa sa mga resolusyon mao ang pagbutang og mga flood control pump sa mga lugar nga daling bahaan.

Gitahasan usab ni Abellanosa ang DEPW ug DPWH sa pagtabon ug pag-ayo sa tanang bukas o way tabon nga manhole ingon man ang guba nga mga culvert.

Lakip ang pag-ayo sa libaong nga daplin sa karsada ug sidewalk nga naghatag og risgo sa kaluwasan sa mga motorista ug pedestrian.

Gihatagan og gibug-aton sa opisyal ang posibilidad nga modaghan ang tubig sa ulan tungod sa taas nga tsansa nga adunay La Niña phenomenon nga motumaw sa Hunyo hangtod Agusto 2024, sumala sa pagbana-bana sa Philippine Atmospheric, Geophysical and Astronomical Services Administration (Pagasa).

Matod niya, ang weather phenomenon gipaabot nga makadani og daghang bagyo nga mosud sa nasod ug sobrang pag-ulan sa tibuok tuig.

Niadtong Hunyo 7, gidek­larar sa Pagasa nga matapos na ang El Niño phenomenon, samtang niadtong Mayo 29 niingon nga nagsugod na ang ting-ulan.

Gipahibalo usab sa Pagasa nga ang taas nga tsansa sa mga kondisyon sa La Niña nga molambo panahon sa Hulyo-Agusto-Septiyembre, makadugang sa posibilidad sa labaw sa normal nga kahimtang sa ulan sa pipila ka mga lugar sa nasod, labi na sa katapusang bahin sa tuig. / EHP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph