Nipadayag sa ilang kalipay ang taga lungsod sa Boljoon sa pasalig sa National Museum of the Philippines (NMP) nga ang upat ka mga “kinawat” nga panel sa pulpito sa dili madugay itugyan ngadto kanila.
Si Boljoon Mayor Jojie Genesse Derama nitug-an sa SunStar Cebu nga ang pagbalik sa maong kasaysayan sa Nuestra Señora del Patrocinio de Maria Santisima Parish Church dako kaayo og kahulogan sa ilang lungsod.
“Kami magsadya. Amoa pang mas i-strengthen ang among pagtuo sa Ginoo,” matod ni Derama sa Huwebes, Mayo 9, 2024.
Matod niya nga niresulta kini sa sunodsunod nga negosasyon tali sa Archdiocese of Cebu, sa kagamhanang munisipyo, ug NMP nga nagpasiugda sa pagbalik sa mga pulpito. / KJF