Di Johnnie Walker, ‘Johnnie Water’ diay ang gipa-deliver

Di Johnnie Walker, ‘Johnnie Water’ diay ang gipa-deliver
Hulagway kuha ni Guam Logrono

GIREKLAMO og estafa ang usa ka 44 anyos nga lalaki sa usa ka delivery rider alas 2:05 sa Miyerkules sa kaadlawon, Marso 20, 2024, human nasuta sa nauwahi nga ang gipa deliver kaniya sa nahauna di tinuod nga ilimnong makahubog, tubig diay ang sulod sa botelya.

Giila ni Police Major Jonathan Bethooven Taneo, hepe sa Mambaling Police Station, ang biktima nga si Charles Spencer Labos Belocyra, 25, Maxim rider, minyo, samtang ang suspek giilang si Greman Louise Caaway Malinao, 44, ulitawo.

Matod ni Taneo nga ni-book si Malinao kang Belocyra nga magpa-deliver og usa ka litro nga Johnnie Walker sa usa ka “fictitious receiver” busa nibayad ang rider og advance nga P1,200.

Apan nasuta sa biktima nga ang sulod sa botelya di diay bino, kon di, tubig busa gidala ni Belocyra si Malinao sa Mambaling Police Station aron ipapriso. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph