Gipahibawo ni Talisay City Mayor Gerald Samsam Gullas nga bukas na alang sa mga Talisaynon ang dialysis center sa syudad.
Matod ni Gullas nga ang 28 bed nga dialysis center sa Siyudad nagtanyag og 156 ka sessions ubos sa Philhealth ingon man ang P1,000 nga subsidy matag semana ngadto sa lokal nga kagamhanan isip suporta sa programa niini.
Ang programa giingong dugay nang gihandom ni Gullas subay sa nagkadaghan nga mga konstituente niini nga gikinahanglan mopaubos sa dialysis treatment.
Alang sa mga gustong mo-avail sa maong treatment, mahimo nga magdala og doctor’s order or referral gikan sa nephrologist; medical abstract, resita ug laboratory results, latest dialysis treatment sheet, ug ang Philhealth Availment requirements.
Mahimo usab nga modangop sa Talisay Dialysis Center alang sa mga dunay dugang nga mga pangutana. / ANV