Nahimo nang kasagaran ang dili maayong binuhatan sa mga estudyante tungod sa dili maayong pagdumala sa oras ug sa hilabihang kadaghan sa mga responsibilidad sa akademiko.
Daghang mga estudyante ang naglisod sa pagbalanse sa ilang pagtuon ug pag-atiman sa kaugalingon, nga niresulta sa dili maayong binuhatan sama sa paglaktaw sa pagkaon, kulang sa tulog, sobra nga paggamit sa gadget, ug taas nga konsumo sa tam-is nga ilimnon ug proseso nga pagkaon.
Si Fritz, usa ka estudyante sa elementarya, kanunay nga molaktaw og kaon ug niangkon sa iyang kakulang sa kahibalo sa importansya sa nutrisyon.
Tungod sa eskuwelahan ug kalingawan, iyang gipaambit nga ang mga oras nga magamit siya og gadgets nakabalda sa iyang oras sa sa pagkatulog.
Ang ubang mga estudyante sama nila Naomi, Kara, ug Lester aduna usab susama nga binuhatan. Niangkon sila nga ang ilang taas nga oras sa paggamit og gadgets maoy hinungdan sa paglaktaw nila sa pagkaon ug pagkompromiso sa pagkatulog.
Alang kang Sarah, usa ka estudyante sa engineering, ang pag-inom og soft drinks nahimong bahin sa iyang routine human sa matag kaon o bisan kanus-a siya kapuyon. Niangkon siya nga kini makahatag kaniya og kusog aron mahuman ang mga buluhaton sa eskwelahan.
Tungod niini, si Parolita A. Mission, usa ka lisensyadong nutritionist ug dietitian, ug Regional Nutrition Program Coordinator sa National Nutrition Council Region 7, nipaambit sa iyang propesyonal nga panan-aw sa mga implikasyon niining mga binuhatan sa mga estudyante.
Matud ni Mission nga ang paglaktaw sa pagkaon nagpasabot nga ang mga organ sa lawas mawad-an sa importanteng sustansya.
“Their full potential or full productivity will be hampered. So, they cannot fully function well. In the long run, long-term deprivation would lead to organ failure and would affect your health,” pasabot ni Mission.
Ang kanunay nga pag-inom og tam-is nga ilimnon mahimong mosangpot sa taas nga lebel sa asukal sa dugo, nga makadugang sa risgo sa diabetes mellitus.
“If you have diabetes mellitus and it’s unmanaged, you’ll have complications,” pasabot ni Mission.
Gidetalye ni Mission nga ang mga komplikasyon sa diabetes mahimong mosangpot sa sakit sa kasingkasing ug kidney failure.
Ang posibilidad sa pagpalambo sa obesity mahimong mosangpot sa non-communicable diseases sama sa diabetes mellitus, cardiovascular disease, mga cancer nga may kalabutan sa pagkaon, ug mga problema sa bukog sama sa arthritis.
Alang sa mga estudyante sa unibersidad nga layo sa balay ug adunay limitado nga budget, ang process foods ang labing dali maabot tungod kay barato kini.
Kini nga mga pagkaon taas sa asin tungod kay kasagaran niini gipreserbar gamit ang asin.
Matod ni Mission nga ang taas nga asin sa lawas mahimong mosangpot sa pagpalambo sa sakit sa kidney sama sa renal failure, ug posible moabot sa end stage.
“The end stage of renal disease would require you to be subjected to dialysis, which is expensive,” iyang gipasabot.
Gitambagan ni Mission ang mga estudyante nga maglikay sa pagkaon sa fastfoods gumikan kay gawas nga dili sustansyado ang mga pagkaon, mahal sab kini.
Alang ni Mission, mas maayo pa mokaon sa mga karenderya gumikan kay aduna pa’y mapalit nga mga sustansiyadong mga pagkaon sama sa mga utan.
Girekomenda ni Mission ang pagpakigsulti sa usa ka nutritionist o dietitian alang niadtong gusto og kausaban sa estilo sa kinabuhi aron magiyahan sa insakto.
“The negative effects of unhealthy habits can still be reversed if you start now,” pahimangno ni Mission. / Frances Ibo, VSU Intern