Gikuha’g balik sa Dallas Mavericks si Spencer Dinwiddie alang sa ilang kampanya sa sunod season sa National Basketball Association (NBA).
Si Dinwiddie nagduwa sa Mavericks niadtong 2022-23 season unya nabalhin kini sa Brooklyn Nets dayon sa Los Angeles Lakers. Dihang nagduwa siya sa Mavericks, nag-average si Dinwiddie og 17.1 puntos ug 4.9 assists.
Gikuha sa Mavericks si Dinwiddie aron idugang sa ilang backcourt rotation nga gipangulohan nila ni Luka Doncic ug Kyrie Irving.
Apan dihang nagduwa siya sa Lakers, igo na lang nag-average si Dinwiddie og 6.8 puntos. / AP