Diputado: Midaug kay gibotohan

Cuentas Claras
Diputado
Diputado(File Photo)

Kataw-anan ning nahitabo nga kontrobersiya mahitungod sa mayor sa Bamban, Tarlac. Midaog siya sa piniliay sa 2022.

Sumala sa rekord sa Comelec, midaog siya nga usa ka independente nga kandidato sa boto nga 16,503 samtang ang iyang kaatbang nga si Joey Salting Jr. nakakuha lang sa boto nga 16,035.

Tungod sa isyo sa Pogo, nadamay ang pagkatawo sa mayor ug karon, aduna nay imbestigasyon nga gihimo mahitungod sa maong isyo.

○ ○ ○

Daghan ang nagduda sa pagkatawo sa mayor, Pinoy ba siya o Insik. Usa na niini si Senador Riza Hontiveros nga maoy nangulo sa pakisusi nga gihimo sa pagka-tawo sa mayor sa Bamban, Tarlac.

Sa dili pa tubagon ang pangutana kon Pinoy ba siya o Insik, adunay lain nga pangutana.

Nganong midaog man sa piniliay sa 2022 ang mayor nga diha man unta siyay kaatbang? Ang tubag - tungod kay siya man ang nakakuha sa mas daghan nga boto batok sa iyang kaatbang sa politika.

Balik ta sa pangutana kon Pinoy ba siya o Insik?

Ang angay unta pangutan-on kon ngano ug unsang pagka-unsaa nga wala man moreklamo ang iyang kaatbang nga si Joey Salting Jr. kon kwestiyonable man gani ang iyang pagka-tawo? Nganong gipasagdan ra man sa iyang kaatbang nga magpadayon sa iyang kandidatura ang midaog nga mayor nga unta, katingad-an man ang iyang pagka-tawo?

Nganong nagpakahilom man lang ang iyang kaatbang kon aduna man gani misteryo nga naglimin sa pagka-tawo sa midaog nga mayor?

Ngano man kaha nga wala may reklamo nga gisang-at batok sa midaog nga mayor sa wala pa ug ingon man, sa nahuman na ang piniliay?

Base sa rekord sa Comelec, walay reklamo nga disqualification o election protest nga gisang-at batok sa midaog nga mayor. Ang pangutana - ngano man kaha?

○ ○ ○

Kasagaran mahitabo, maghitak ang kaso nga isang-at panahon sa kampanya, apil na ang panahon sa pagpang-rehistro sa mga botante nga gitawag og inclusion o exclusion proceedings.

Wala ug tuo ang kaso nga isang-at tungod kay gusto sa mga kandidato nga kon dunay paagi nga ma-disqualify ang ilang kaatbang, dako na og puruhan nga modaog na sila sa maong piniliay. Kon walay kaatbang, natural modaug ang kandidato ug dili siya kinahanglan pa nga mogasto og dako.

(Ang kompleto nga kolum ni Atty. Diputado mabasa sa www.superbalita.com.ph — Editor)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph