Direct flight tali sa Russia, Cebu ablihan

SunStar Local News
SunStar Local News

Nagkauyon sila si Cebu Gov. Gwendolyn Garcia ug Philippine Ambassador to Russia, His Excellency Igor Bailen, nga moabli og direktang flights gikan sa Russia paingon sa Sugbo.

Kini aron madugangan pa ang mga turista ug bisita sa duha ka mga nasod sa ingon mapalambo usab sa tourism economy niini.

Si Garcia ug Bailen nagtuo nga mahimo kining dakong kahigayunan sa Russia ug Sugbo nga mo compete sa ubang mga Asian destination sama sa Thailand nga adunay1.5 ngadto sa 1.6 milyunes nga Russian tourists nga mobiyahe ug mogasto sa ilang kwarta aron mosaksi sa maanindot nga mga lugar.

Sa Hunyo 3, nakigtagbo si Garcia sa mga opisyal sa Federal Air Transport Agency (Fata) sa tinguha nga makabaton og agreement tali sa Aeroflot nga flag carrier sa labing dakong airline sa Russia.

Nasayran nga walay direktang flights sa nasod paingon sa Russia human giingong nibalibad ang Manila gumikan kay puno na ang international airports alang sa dugang international flights.

Sa Hunyo 4, gilauman nga makigtagbo na si Garcia sa gobernador sa St. Petersburg, Governor Alexander Dmitriyevich Beglov sa pag-renew sa sister-region agreement.

Lakip sa salmutan ni Garcia ang St. Petersburg International Economic Forum (SPIEF 2024) isip speaker aron pagpaambit sa gihimo’ng programa ug pamaagi sa pagpalambo sa Sugbo.

Si Garcia nga nangulo sa 16-member delegation alang sa nagkadaiyang tigom ug pagpamulong may labot sa turismo ug negosyo, pagpaila-ila usab sa mga ikadalit sa Sugbo sa mga turista ug bisita. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph