Ilailaha ang Cebuanang si Kim Rendon, usa ka beteranang magsisibya sulod na sa 15 katuig ug 26 katuig isip usa ka professional Violinist nga tua na nagbasi sa Doha, Qatar.
Si DJ Kim ang usa sa mga Overseas Filipino Awardee sa Qatar 2023 ug Radio Personality in Qatar 2024. Nahimo sab ning hurado sa Qatar’s Talent Competition diin iyang nakauban ang mga dagkong pangan sa entertainment.
Ang iyang broadcasting career nagsugod sa edad nga 16 isip usa sa mga guwapang chikadorang DJ sa YES FM 91.5 diin ang iyang mentor mismo ang Station Manager nga si Marlon Baula, hangtod nga nahimo sab nga DJ sa Barangay RT 99.5 ug Energy FM 94.7.
“Those years taught me so much about the power of storytelling and the joy of engaging with listeners. About three years ago, I moved to Qatar, where I’ve been able to continue this work for a Filipino radio station, helping to connect our community in new ways,” paambit sa lumad nga taga Oslob sa interbyu sa Super Ka! sa Superbalita Cebu.
Si Kim usa sab ka inilang “Endorser and Voice-Over Artist” sa mga radio ug TV ads sama sa Skechers Dubai, Dove, The Metro Stores Cebu, SM Store, Robinsons Supermarket, Hilton Hotels, Qatar Airways, Air Asia Promo Ads, Cebu Pacific Promo Ads ug daghan pa.
Sa laing bahin, ang iyang musical journey isip violinist nagsugod sa edad nga singko diin lakip sa mga unang nakakita sa iyang potential ang iladong Music Conductor-Pianist nga si Maestro Donato Enriquez ug ang tag-iya sa University of Cebu nga si Atty. Augusto Go nga matod niya, maoy rason kon nganong nahimo siya nga Academic Scholar gikan Elementary hangtod College sa maong eskuwelahan. Samtang 7 anyos lang si Kim dihang ni-perform ni kauban ang UC Symphonic Orchestra atol sa Sinulog Festival.
“I’ve always had a passion for music. As a professional violinist, I currently have the privilege of being the music director and conductor of the first Filipino orchestra here in Qatar. It’s a rewarding experience to work with young musicians and share the beauty of our musical heritage,” chika pa sa multi-talented artist.
“I’m thrilled to announce my new program, `Taste Talk with K,’ which will air weekly on PHLV Radio Las Vegas. The show will feature relaxed conversations about food and culture with various guests. While it’s aimed at audiences in Las Vegas and the U.S., we’ll also stream it on social media, making it accessible to viewers around the globe.”
Si Kim adunay grupo sa mga talented photographers ug videographers sa Qatar nga gitawag og “Bisdak Team” nga maoy motabang niya sa iyang show.
“Together, we strive to capture and share meaningful stories that celebrate our culture and community. I feel truly grateful for the experiences I’ve had and the people I’ve met along the way. I look forward to continuing this journey, sharing our stories, and celebrating the rich tapestry of Filipino culture both here in Qatar and beyond,” ni Kim nga proud Bisdak. /