Nisalmot ang mga evaluator ug processor sa nagkalainlaing serbisyo sa Department of Migrant Workers (DMW) sa usa ka duha ka adlaw nga capacity-building activity niadtong Mayo 24-25, 2025, sa Cebu Parklane International Hotel, Siyudad sa Sugbo.
Gitumong sa maong kalihukan ang pagpalig-on sa ilang kahanas aron mas epektibo ug episyente silang makahatag og serbisyo sa pagpang-empleyo ngadto sa publiko.
Ang mga partisipante naglangkob sa mga evaluator ug processor gikan sa DMW Regional Offices sa Rehiyon 6, 7, ug 8.
Gitutokan sa mga diskusyon ang mosunod nga mga hilisgutan:
*Documentation sa Direct-Hired Workers/System-Based Processing nga gipangulohan ni Mr. Edwin M. Cristobal, Chief Labor and Employment Officer sa DMW-Client Services Division, Central Office;
*Common Concerns of OFWs upon Departure at Airport Immigration nga gituki ni Atty. Mark Lennin C. Degamo sa Bureau of Immigration;
*Documentation of Returning Workers/Balik-Manggagawa/ Worker-on-Leave & System Based Processing nga gihisgutan ni Mr. Arnelio F. Balingit, Supervising Labor and Employment Officer sa DMW-Migrant Workers Processing Division, Central Office;
*Migrant Workers Airport Assistant Center (MWAAC) Airport Protocols/Processes nga gipresentar ni Mr. Joseph Jose, Supervising Labor and Employment Officer sa MWAAC-NCR; ug
*Management Information Technology Service (MITS) Related Concerns nga gituki ni Director Celso J. Hernandez, Jr., Director IV.
Ang nitambong sa aktibidad mao si DMW RO-VII OIC-Regional Director Maria Eloida O. Cantona kinsa miabi-abi sa tanang partisipante.
Nihatag sab og makapadasig nga mensahe si Assistant Secretary (ASEC) Levinson C. Alcantara, Assistant Secretary for Pre-Employment Services Management Information, ug si DMW-NCR Regional Director Falconi V. Millar.
Ni-synthesize si DMW RO-VIII OIC-Regional Director Marlon M. Macalla sa tanang mga diskusyon ug gilatid ang direksyon nga kinahanglan nga dad-on sa nahisgutang mga programa ug serbisyo.
“This capacity-building is just the start of the series of interventions that will be provided to the employees. Very soon, DMW RO-VII shall be identifying the best time where all of us will also be trained on the psychosocial aspect, particularly on the provision of psychosocial processing activity to distressed OFWs,” matod ni OIC-RD Cantona nga nihisgot sa kamahinungdanon sa mga kalihukan alang sa pagpahugot sa kapasidad, ilabina sa kalambuan ug pagpalapad sa kahibalo ug kahanas sa mga empleyado. / PR