Nagtinguha ang Department of National Defense (DND) sa pagtukod og airbase ug naval station sa Balabac, Palawan.
Sa usa ka interbyu sa mga tigbalita atol sa outreach activity sa Balabac, si Defense Secretary Gilbert Teodoro niingon nga ang plano naglakip sa pagtukod og runway alang sa paggamit sa Philippine Air Force (PAF) ug sa Civil Aviation Authority of the Philippines (CAAP).
Matod niya nga kauban ang mga opisyal sa CAAP, nagpahigayon og inspeksyon aron mailhan ang dapit diin tukoron ang runway.
“Ang report sa akin ay ‘yung Air Force side at ‘yung naval side ay magkatabi. ‘Yun nga lang, may lupain na kailangan kunin para buo ‘yung lugar, isahan na lang,” matod ni Teodoro.
Gitumbok ni Teodoro nga ang Balabac, Palawan usa sa mga strategic nga mga lokasyon sa nasod tungod kay ang mga langyaw nga barko, lakip na ang sa China, kasagarang moagi dinhi.
Ang Balabac, Palawan mao ang kinadak-ang isla sa habagatan-kasadpang Pilipinas, diin nagtagbo ang South China Sea ug Sulu Sea.
Gipataas ni Teodoro ang panginahanglan sa dinaliang pagtukod og runway sa maong lugar.
“Minsan dumadaan talaga rito ang Chinese vessels. At ito kapag hindi nadama or hindi nagkaroon ng presence, napakadali na abusuhin ng foreign influence and other inappropriate and illegal activities,” pasabot ni Teodoro.
Asoy niya nga usa usab ka healthcare center ang tukoron sa maong dapit aron matubag ang medikal nga panginahanglanon sa mga residente. /TPM / SunStar Philippines