Gipasabot sa Department of Labor and Employment (DOLE) niadtong Biyernes, Mayo 30, 2025, ngadto sa sektor sa pamuo nga ang programang “Benteng Bigas Meron (BBM) Na” ngadto sa mga minimum wage earner wa gitumong aron babagan ang pagduso sa gisugyot nga P200 legislated wage hike.
Sa usa ka interbyu sa radyo, si Labor Secretary Bienvenido Laguesma nagkanayon nga wala sila magtinguha sa pagbabag pagduso alang sa usa ka balaod nga nagmando sa P200 nga usbaw sa suholan pinaagi sa pagpasiugda sa P20 matag kilo nga bugas.
“We are allowing the process to run in Congress with regards to the proposed P200 legislated wage increase. We never intend to use the BBM Na program as a counter to it,” matod ni Laguesma.
Giluwatan ni Laguesma ang pahayag human ang Trade Union Congress of the Philippines (TUCP) niingon nga mas maayo kung ipasar na lang sa gobiyerno ang balaod nga maghatag og dugang P200 nga suholan sa mga mamumuo.
Matod sa TUCP pipila lang ka minimum wage earner ang makabenepisyo sa P20 matag kilo nga programa sa bugas.
Matod ni Laguesma nga ang programang “BBM Na” gipaabot ngadto sa mga minimum wage earner isip usa ka parallel nga programa sa gobyerno alang sa paghupay sa kalisud.
“If we have such programs, where minimum wage earners can benefit from, why not try it?” matod niya.
Iyang gisaysay nga gimanduan nila ang tanang DOLE regional director nga sigurohon nga ang mga kuwalipikado lang nga indibidwal ang makabenepisyo sa pilot testing sa programa.