Sa iyang pamahayag nga na-post sa World Boxing Council (WBC) website, gipabuhagay ni Nonito “Filipino Flash” Donaire ang iyang tinguha nga moaway pagbalik sa edad nga 42.
Gipasabot sa four-division world champion nga nabalik ang iyang interes nga moaway pagbalik human siya personal nga nitan-aw sa away nila ni Japanese Naoya “Monster” Inoue ug American Ramon Cardenas niadtong Mayo 5, 2025 (PH time) sa Las Vegas.
Si Donaire kaduha na nakaaway ni Inoue kaniadto diin napilde siya pinaagi sa unanimous decision sa premiro ug nasugamak sa 2nd round TKO sa ikaduha.
Tinguha ni Donaire nga sa iyang pagbalik, kontrahon niya ang manghod sa “Monster” nga si Takuma Inoue.
Posible sab nga makontra ni Donaire si Nicaraguan Roman “Chocolatito” Gonzalez.
Si Donaire, kinsa adunay 42-8, 28KOs nga rekord, katapusang niaway niadtong Hulyo 29, 2023. / ESL