Nagkinahanglan na lang og 111 puntos si Dallas Mavericks superstar Luka Doncic aron mahimong ika-11 pa lang nga magduduwa sa kasaysayan sa National Basketball Association (NBA) nga makaabot og 3,000 nga kinatibuk-ang puntos sa usa ka season.
Kini human siya nakatali og 30 puntos atol sa kapildihan sa Mavericks batok sa host Boston Celtics, 107-89, sa Game 1 sa 2023-24 NBA Finals series.
Hayag ang purohan nga maapil si Doncic sa grupo nila ni Michael Jordan (10 seasons), Wilt Chamberlain (5), Bob McAdoo, Elgin Baylor, James Harden, Kareem Abdul-Jabbar, Kevin Durant, Kobe Bryant, Rick Barry ug Shaquille O’Neal. / AP