GITAWAG ni outgoing Lapu-Lapu City Mayor Junard “Ahong” Chan ang atensyon sa kontraktor sa usa ka drainage project sa Bara-ngay Babag, Lapu-Lapu City, tungod sa kahasol nga nahimo niini sa mga residente.
Ang nagpadayon nga pro-yekto duol sa Babag Elemen-tary ug National High School nakapabalaka sa mga gini-kanan ug lokal nga negosyante tungod sa peligroso nga kahimtang, diin ang lapukon ug danglog nga karsada naghatag og risgo sa mga estudyante ug mga biyahero.
Sa usa ka interbyu sa telepono sa SunStar Cebu niadtong Dominggo, Hunyo 22, 2025, gibutyag ni Chan nga dili maayo ang kalidad sa mga ma-teryales nga gigamit sa mga kon-traktor sa pagtabon sa mga tubo sa drainage human sa pag-istalar niini, nga miresulta sa lapukon nga kahimtang.
Midugang siya nga giangkon sa service provider ang sayop ug nangayo og pasaylo, nga miila nga ang materyales nga gigamit mahimong danglog.
Bisan pa man niini, gipasaligan ni Chan ang publiko nga gihimo ang mga pagtul-id sa sayop.
"Hangyo ko sa pagsabot sa mga motorista. Ang sabot ani kay gabii magtrabaho, pagka-buntag matabunan na aron dili kaayo maka-trapik ug maagian. Nangita lang gyud ta og balanse," matud ni Chan.
Si Glenda (dili tinuod nga ngalan), usa ka inahan sa duha ka junior high students sa Babag National High School, nagpa-ambit sa usa ka lahi nga interbyu nga ang kusog nga uwan magmugna og daghang lapok, nga makapalisud alang sa mga estudyante ug mga lumalabay sa paglakaw. Gipasiugda niya nga samtang maayo ang dalan kun uga, kini mahimong danglog kun moulan.
"Maayo unta dili ni siya mag-uwan kay once mag-uwan grabe gyud (mud) diha sa Babag, malata," matud ni Glenda.
Usa ka duol nga establisemento sa pagkaon duol sa eskwelahan ang nagpahayag usab sa susamang kabalaka, nga nag-ingon nga ang lapukon nga kahimtang nakaapekto usab sa dagan sa trapiko.
Usa ka drayber sa motorsiklo ang mipaambit usab sa SunStar nga ang lapok usahay makapaipit sa mga ligid ug maglisud sila sa pag-abante.
Ang mga hingtungdan nag-hangyo sa Kagamhanan sa Siyu-dad nga dalion ang proseso ug magbutang og mga bato nga foot-path aron tugotan ang mga estudyante nga moagi nga luwas nga dili mahugaw ang ilang sapatos.
Agi og tubag, gipasaligan ni Chan nga iyang bantayan pag-ayo ang lugar ug awhagon ang kontraktor nga unahon kini’g trabaho aron masiguro ang kaayohan sa mga estudyante.
Matud niya nga 60 metros na lang ang nahibilin aron mahuman, nga adunay tulo ka dugang nga polyvinyl chloride (PVC) pipes nga i-istalar, nga moabot paingon sa simbahan sa Babag ug moabot sa eskina sa Barangay Calawisan.
"“Once the 60-meter section is fully laid, that will be the right time for them to begin preparations for the cementing phase,” matud ni Chan.
Ang maong bahin sa proyekto sa drainage gibana-bana nga mahuman sa katapusan sa Hunyo. / DPC