Drayber nakatagpilaw, 2 ka sakyanan giharos; 2 samdan

Drayber nakatagpilaw, 2 ka sakyanan giharos; 2 samdan
PAN NAGKATAG: Ang malunggay pandesal nagkatag sa dan dihang nabanggaan ang mobile bakery ug laing motorsiklo sa multicab nga pasaheroan, pasado alas 5 sa buntag, Huwebes, Hunyo 13, 2024, sa Salinas Drive, Barangay Lahug, dakbayan sa Sugbo. / ARNOLD Y. BUSTAMANTE

Nakatagpilaw ang drayber sa depasaheroang multicab nga nakabangga og usa ka motorsiklo ug traysikol nga mobile bakeshop, pasado alas 5 sa buntag sa Huwebes, Hunyo 13, 2024, sa Salinas Drive, Brgy. Lahug, dakbayan sa Sugbo.

Una nga naigo sa multicab ang motorsiklo nga gipanag-iya sa usa ka call center agent nga si alyas Tonton, 34, taga Brgy. Guadalupe , dakbayan sa Sugbo, nga nag- park luyo sa mobile bakery.

Drayber nakatagpilaw, 2 ka sakyanan giharos; 2 samdan
PAN NAGKATAG: Ang malunggay pandesal nagkatag sa dan dihang nabanggaan ang mobile bakery ug laing motorsiklo sa multicab nga pasaheroan, pasado alas 5 sa buntag, Huwebes, Hunyo 13, 2024, sa Salinas Drive, Barangay Lahug, dakbayan sa Sugbo. / ARNOLD Y. BUSTAMANTE

Mao kini hinungdan nga naharos og apil ang mobile bakery ug nagkatag ang malunggay pandesal sa dan ug nangalagpot ang mga drayber tungod sa kakusog sa impact.

“Wala pa gani ko makanaog sa motor, mipaka la’g kalit nya nalagpot na ko kay gibangga nami sa multicab,” matod ni alyas Tonton.

Matod ni alyas Ken, 24, nga samtang mihunong siya kay dunay mopalit sa iyang bag-o pang haon nga pan ug wala pa gani siya makatunol niini sa kostumer, kalit lang siya nabanggaan hinungdan nga nalagpot siya ug nabanda sa punoan sa nara sa kilid sa karsada.

Nasamad si alyas Ken sa kamot ug agtang apan wala na siya magpadala sa tambalanan tungod kay walay moatiman sa iyang paninda nga pandesal.

“Kusog ang iyang impact tungod sa kusog nga dagan sa jeep... Ang grabe nako sa agtang, naa sa kamot pero madala-dala ra sa kamot.”

Giangkon sa driver sa multicab nga si alyas Rodelo, 34, taga Talamban, Dakbayan sa Sugbo nga nakatagpilaw siya samtang nag drive.

Matod niya nga mao gyud ni iyang problema basta mag drive daw sa makatulog siya labi na kon malapoy ang iyang lawas.

Alas 12 na sa tungang gabii siya sa Huwebes nahuman sa pagpamasada apan nibalilk na usab siya sa alas 5 sa buntag sa Huwebes.

“Ang ako unta plano kay kapiyungon man ko matu’g usa ko didto sa Campo. Wala naman nuon ko kaabot, nabangga naman nuon ko,” matod ni alyas Rodelo.

Nakighusay ra hinuon ang mga biktima human nipasalig si alyas Rodelo nga iyang abagahon ang danyos sa iyang nabiktima. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph