Drayber sa motorsiklo patay sa bangga

Compostela town, Cebu.
Compostela town, Cebu. (Google Maps)

Namatay ang usa ka drayber sa motorsiklo sa panag­bangga tali sa usa ka public utility jeepney (PUJ) sa national highway sa Barangay Magay, lungsod sa Compostela, amihanang Sugbo, alas 7:45 sa gabii niadtong Miyerkules, Enero 24, 2024.

Giila ang biktima nga si Nelson Maningo Avila Jr., 25, taga Purok Tangke 2, Sitio Tuburan, dakbayan sa Danao. Dali siyang gidala sa Danao City Provincial Hospital apan gideklarar nga dead on arri­val (DOA).

Ang traffic investigator sa Compostela Police Station nga si Staff Sergeant Cristito Aresco nga nahinabi sa Superbalita Cebu nagkanayon nga ang biktima paingon sa dakbayan sa Danao dihang nabanggaan ang PUJ nga gimaneho ni Rene Matugas.

Matod ni Aresco, base sa pamahayag ni Matugas, ang biktima maoy unang nakaigo sa iyang sakyanan.

Apan giangkon sa polis nga nasayop si Matugas base sa ilang pagsusi sa dapit nga nahitaboan.

Si Matugas gitanggong sa kapulisan sa Compostela sa dugang imbestigasyon ug pagpasaka og tukmang kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph