Drayber sa tricycle giunay sa pagdunggab sa kauban

Drayber sa tricycle giunay sa pagdunggab sa kauban
SunStar Toledo

Samdan ang usa ka drayber sa traysikol human dunggaba sa laing drayber sa Barangay Matab-ang, siyudad sa Toledo, Sugbo, alas 9:00 sa gabii, Sabado, Hulyo 6, 2024.

Ang biktima giila nga si ‘Victoriano Jr.’, 34, ulitawo, ug taga Sityo Tubod, Barangay Matab-ang sa maong dakbayan.

Ang suspek nagngalan og ‘Jonepher’, 28, ulitawo, ug taga Sityo Cantungaw, Matab-ang.

Sa imbestigasyon sa kapulisan sa Toledo, nasuta nga ang duha nagkalalis kabahin sa ilang pagpamasahero.

Ang suspek nga armado og improvised hunting knife nga ginama sa puthaw nga maoy gigamit sa pagdunggab sa biktima ug nakaangkon og tulo ka samad diha sa iyang bukobuko.

Ang suspek dali nga nadak­pan sa mga barangay tanod ug gi-turn over ngadto sa kapulisan sa Toledo kinsa nag-atubang og kasong frustrated homicide.

Samtang, ang biktima nga nalandig sa Toledo City Hospital ug naa na sa luwas nga kahimtang. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph