Nitahan na ang drayber sa labing bag-ong insidente sa gas-and-run sa Quezon City, sumala sa kapulisan niadtong Huwebes, Mayo 7, 2026.
Sa usa ka press conference, si Philippine National Police (PNP) Spokesperson Brigadier General Randulf Tuaño niingon nga ang maong drayber nitahan sa iyang kaugalingon ngadto sa Quezon City Police District (QCPD) niadtong Miyerkules sa gabii, Mayo 6, 2026.
Matod niya, nagkaatubang ang drayber ug ang gasoline attendant nga maoy nibayad sa gasolina nga iyang giyano-yano lang og biya.
Gibutyag ni Tuaño nga base sa depensa sa driver, wala siya makabantay nga wala diay siya nakabayad.
“Base doon sa statement na binigay niya (driver) kagabi doon sa station commander, habang siya ay nagpapakarga ng gasoline, siya ay may kausap sa telepono at ito naman ay sinusugan ng affidavit nung gas attendant na ito diumano ay may kaaway sa cellphone niya. Ito naman ay kinumpirma base doon sa initial investigation. Ang kaaway niya ‘yung kanyang maybahay, sapagkat siya ay pinapauwi na sila ay nanggaling sa isang party,” sumala ni Tuaño.
Bisan pa man og nabayran na ang P1,500 nga bill sa gasolina, matod ni Tuaño nga mopasaka gihapon og kaso ang gas attendant batok sa drayber. Ang maong drayber mag-atubang og kasong estafa. /TPM / SunStar Philippines