Driver sa Latransco gireklamo

Local News
Local News

Nipasaka og pormal nga reklamo ang mga ginikanan sa 6 anyos nga batang lalaki, kinsang kamot nasamad samtang nagsakay sa modern public utility jeepney (MPUJ) sa dakbayan sa Sugbo niadtong Oktubre 30, 2023.

Ang hearing sa maong insidente gihimo sa buhatan sa Land Transportation Office (LTO 7) sa dakbayan sa Sugbo niadtong Miyerkules, Nobiyembre 8, subay sa show cause order (SCO) nga giluwatan sa ahensya batok sa nalambigit nga transport firm, ang Lahug Apas Transport Cooperative (Latransco).Ang pag-isyo sa SCO tungod sa giingong kaso sa reckless driving sa usa ka Latransco driver, nga gi-post sa inahan sa bata sa Facebook. Nag-viral ang maong post nga adunay labing menos 5,000 ka shares hangtod ning pagsulat.

VIRAL POST

Si Noynay Karina Romano, inahan sa naangol nga bata, niingon nga kusog ang pagpadagan sa MPUJ driver ug kalit ni-brake nga niresulta sa pagkaangol sa iyang anak.

Siya niangkon nga iyang gihangyo ang drayber nga manubag sa insidente apan giingnan lamang siya nga i-report ang insidente ngadto sa management sa Latransco.

Si Romano, sa iyang post, niingon nga ang insidente niadtong Oktubre 30, alas 11:58 sa buntag hangtod alas 12 sa udto. Matod niya bisan niadtong didto pa sila sa Sudlon, Brgy. Lahug, kusog na ang pagpadagan sa drayber.

Ang drayber giingong kalit nga ni- brake dihang naabot sila sa atubangan sa buhatan sa Social Security System sa downtown nga niresulta sa pagkaangol sa kamot sa iyang anak.

Siya niingon nga sila, lakip ang pipila ka mga senior citizen nga pasahero sa drayber, nakahukom nga manaog sa MPUJ kay nahadlok.

“Palihog ko sa operator aning Latransco nga aircon bus. Disiplinaha na inyong mga driver nga dili magpakusog og dagan kay daghan kaayo ang mga pasahero... giingnan rami sa driver aw report mo sa company namo,” tipik sa post ni Romano.

Nunot sa insidente, ang LTO 7 nangayo og sinulat nga tubag sa management sa Latransco, nipasabot nganong dili angay mag-atubang og kasong administratiba ang driver o operator ug nganong dili angay suspensuhon o bawion ang lisensiya sa pagmaneho.

Ang drayber sa MPUJ, uban sa daghang mga miyembro sa Latransco, lakip ang usa ka representante sa human resources ug usa ka empleyado sa information technology ug ningtambong usab sa hearing sa Miyerkules sa buntag ang bana ni Romano.

Sa inisyal nga imbestigasyon, ang amahan nihatag og gibug-aton sa kamahinungdanon sa pagtaho sa insidente tungod sa dili igo nga pag-atiman nga nadawat sa iyang naangol nga anak.

Matod sa amahan, gawas sa iyang anak, naangol usab ang ubang mga pasahero, lakip na ang mga senior citizen, apan gipili nila nga dili na lang i-report ang hitabo.

Sa imbestigasyon, gikwestiyon sa LTO 7 ang drayber sa iyang mga lihok ug responsibilidad sa pagmaneho sa sakyanan.

Matod sa drayber nga dili siya makahatag og hinanali nga hinabang tungod kay nabalaka siya nga biyaan ang MPUJ nga walay bantay sanglit walay public assistance officer o konduktor nga nag-duty niadtong higayuna.

Gipangutana sa LTO 7 ang drayber kon nakatambong ba siya sa mga seminar nila ug sa Land Transportation Franchising and Regulatory Board (LTFRB), iyang gikompirmar nga nitambong siya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph