Gihulagway sa kapulisan nga talandugon ang kahimtang sa usa ka drayber sa tricycle sa aksidente sa national highway sa Barangay Dawis Norte, lungsod sa Carmen, alas 11:00 sa buntag sa Miyerkules, Enero 24, 2024.
Ang angol giila nga si Antonio Banzon, 66, minyo, taga Brgy. Poblacion, Carmen .
Sa imbistigasyon sa kapulisan sa Carmen ubos sa kamandoan sa ilang hepe nga si Police Capt. Charlie Santiago, nasuta nga ang biktima nga nagmaniho sa tricycle nag-una sa Toyota Hilux pick up nga gimaniho ni Vince Dabon Lobetos, 48, minyo, taga Talisay, lungsod sa Daanbantayan.
Matod pa nga buot mo-overtake si Lobetos sa tricycle ni Banzon, apan ang naulahi giingong kalit nga ni-u-turn nga niresulta nga naigo sa pick up ug maayong pagkatikay-ang sa tricycle.