Drug den gironda; 7 ka tawo nasikop

Cebu City map.
Cebu City map.

Drug den nga nahimutang sa Barangay Labangon, dakbayan sa Sugbo, gibungkag sa mga sakop sa Philippine Drug Enforcement Agency 7 (PDEA 7) uban sa Labangon Police Station 10 alas 4:26 sa Lunes sa hapon, Abril 8, 2024, nga niresulta sa pagkasikop sa pito ka mga tawo, lakip na ang caretaker.

Ang target sa operation sa PDEA 7 mao si Ray Luna, alyas Tata, 43 nga maoy nagpadagan sa balay suyopanan.

Lakip sa nadakpan nga naatlan nga nanuyop og gituohang shabu sulod sa drug den mao silang Jestoni Pineda, 34, pedicab driver; Angelo Vallecera, 31; Rogelio Nisas, 35, garbage collector; John Cabido, 26; Rowel Alquizar, 40, pedicab driver; ug Janel Quijano, 23, pedicab driver.

Atol sa operasyon nasakmit sa mga operatiba ang upat ka mga pakete sa gituohang shabu nga dunay gibug-aton nga 12 gramos nga dunay estimated market value nga P81,600, buy-bust money ug drug para­phernalia.

Matod ni Leia Alcantara, information officer sa PDEA 7, nga ilang gipaubos sa tulo ka mga semana nga pagpaniid ang operation sa drug den human sila nakadawat og kasayuran gikan sa usa ka concerned citizen.

Giingong makabaligya si Luna og 30 gramos sa gituohang shabu matag semana diin ang mopalit niini didto ra usab gamiton sa drug den. Sila pasakaan og kaso. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph