Drug den napuhag; 3 nasikop

GIRONDA: Ang drug den sa Sto. Niño, dan A. Lopez, Barangay Labangon, dakbayan sa Sugbo, gironda sa kpaulisan, ala 1:30 sa hapon, Sabado, Mayo 11, 2024./
GIRONDA: Ang drug den sa Sto. Niño, dan A. Lopez, Barangay Labangon, dakbayan sa Sugbo, gironda sa kpaulisan, ala 1:30 sa hapon, Sabado, Mayo 11, 2024./TAMPO

Gironda sa Philippine Drug Enforcement Agency (PDEA) Cebu Provincial Office inabagan sa Labangon Police Station, ang usa ka drug den sa Sto. Niño, dan A. Lopez, Brgy. Labangon, dakbayan sa Sugbo, ala 1:30 sa hapon, Sabado, Mayo 11, 2024.

Nasikop ang suspek nga nagdumala sa drug den nga si Oliver dela Cerna, 42, uban sa iyang igsuong babaye nga si Diane, 41, nga naabtan sa kapulisan nga naghingos sa drugas, lakip ni Carlo Teofilo, 18.

Nasakmit ang 12 ka putos sa shabu nga motimbang sa 15 gramos nga dunay estima­ted market value nga P102,000 lakip sa marked mo­ney ug drug paraphernalia.

Matod ni Leia Alcantara, information officer sa PDEA 7, nga nadawat nila ang impormasyon ug gipaubos sa duha ka semana nga pagpaniid sa wa pa gilusad ang buy-bust.

Kalapasan sa balaod bahin sa gidiling druga ang ipasaka sa PDEA 7 batok sa mga suspek./ AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph