Drug den sa Mambaling gironda; 6 nadakpan

BUY-BUST: Sila si Noel Resuena, 45, ug Anabel Minguito, 41, nga nasikop sa buy-bust sa kapulisan sa dakbayan sa Talisay.
BUY-BUST: Sila si Noel Resuena, 45, ug Anabel Minguito, 41, nga nasikop sa buy-bust sa kapulisan sa dakbayan sa Talisay. TALISAY POLICE
 RONDA: Mga suspetsadong durugista nga nasikop sulod sa usa ka drug den sa Brgy. Mambaling, dakbayan sa Sugbo nanabon sa ilang mga nawong. / PDEA 7
RONDA: Mga suspetsadong durugista nga nasikop sulod sa usa ka drug den sa Brgy. Mambaling, dakbayan sa Sugbo nanabon sa ilang mga nawong. / PDEA 7

Gironda sa mga sakop sa Philippine Drug Enforcement Agency 7 (PDEA) 7 Regional Special Enforcement Team uban sa Mambaling Police Station sa alas 11:50 sa Biyernes sa buntag, Enero 5, ang usa ka drug den sa Sitio Tugas, San Roque, Brgy. Mambaling sa dakbayan sa Sugbo.

Unom ang nasikop, apil na ang giingong nagpadagan sa balay suyopanan nga maoy target sa operation.

Ang suspetsadong drug den operator giilang si Mary Vic Cabiluna, alyas Alicia, 52, kinsa nasikop uban nila ni David Mark Maloloy-on, 33, delicacies vendor;Marvin Baino 50, taxi driver; Alejo Tangayan, 42, truck driver; Adrian Allan Baterna; ug Jon Chad Uriarte, pulos 21 anyos, mga tinun-an sa kolehiyo.

Nasakmit sa mga operatiba ang lima ka pakete sa gituohang shabu nga motimbang og 11 gramos nga dunay balor nga P74,800.

Lakip sa nakuha ang mga gamit sa paghingus nga naa na sa kustodiya sa PDEA 7 alang sa laboratory examinations.

Matod ni Leia Alcantara, information officer sa PDEA-7, nga ilang nadawat ang impormasyon gikan sa kasaligang tinubdan nga tungod ani ilang gipaubos sa usa ka buwan nga case build up ang ginang.

Si Cabiluna giingong makabaligya og 20 gramos matag semana.

Kalapasan sa Sections 5, 6, 7, 11, ug 12, Article II sa Republic Act (RA 9165) kun Comprehensive Danderous Drugs Act of 2002 ang ipasaka sa PDEA 7 batok sa mga suspek nga naa na karon sa ilang kustodiya.

TALISAY

Nagtingkagol sa Talisay City Jail ang duha ka gikatahapang mga durugista nga nadakpan sa buy bust sa mga sakop sa Talisay City Drugs Enforcement Unit alas 9: 58 sa gabii sa Sityo Sunrise, Brgy. Pooc, Siyudad sa Talisay.

Ang suspek nga giingon nga high value individual (HVI) giila nga si Noel Resuena, 45, ulitawo, taga Sityo Centro , Brgy. Pooc, Talisay.

Giingon nga iyang kunsabo nga si Anabel Minguito, 41, taga Brgy. Hilutongan, Cordova, Cebu nasikop sab.

Nakuha gikan kanila ang 10 gramos sa gituohang shabu nga dunay street drug price nga P68,000.

Si Resuena na­kuhaan usab og .22 kalibreng revolver nga dunay duha ka mga bala.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph