Druga, armas sakmit; 3 sikop sa buy-bust

Talisay City map. (Google Maps)
Talisay City map. (Google Maps)

Gituohang shabu ug duha ka mga armas ang nasakmit gikan sa tulo ka suspetsadong mga durugista atol sa buy-bust sa kapulisan sa Sityo Acacia, Barangay Jac­lupan, siyudad sa Talisay, alas 12:30 sa tungang gabii sa Disyembre 6, 2023.

Ang target sa operasyon mao si Carryl John Briones Bacarisas, 21, ulitawo, dunay kapuyo, taga Sityo Manguilamon, Brgy. Jac­lupan sa Tali­say City, nasikop. Lakip sa nasikop mao sila si Jhonnel Estañas Bacarisas, 24, ulitawo, dunay kapuyo, taga Sityo Manguilamon, Brgy. Jaclupan ug Rayn Bacus Duguean, 28, ulitawo, may kapuyo, taga Kalubihan, Brgy. Tabunok.

Nakuha gikan sa mga suspek ang drugas nga nitimbang og 35 gramos nga dunay standard drug price nga P238,000, lakip sa kalibre .45 nga pistola ug .22 kalibreng revolver.

Ang buy-bust gihimo sa mga sakop sa City Drug Enforcement Unit (CDEU) sa Talisay City Police Station ubos sa kamandoan sa ilang hepe nga si Police Lt. Col. Wayne Magbanua ug sa koordinasyon sa Philippine Drug Enforcement Agency 7.

Ang CDEU nakadawat og taho bahin sa ilegal nga kalihukan ni Bacarisas, gi-vali­date ug gilusad ang operasyon.

Unang nakuha nga ebidensiya gikan ni Bacarisas mao ang usa ka pakite sa shabu. Dihang girekisa, nakuha gikan kaniya ang dugang lima ka mga pakite sa shabu ug usa ka kalibre .45 nga pistola, lakip sa magazine niini nga may 2 ka mga bala.

Nakuha’ng ebidensya gikan ni Jhonnel mao ang .22 kalibre nga revolver nga may tulo ka mga bala ug si Duguran nakuhaan og usa ka gamay nga pakite sa shabu.

Ang tulo mag-atubang og kasong kalapasan sa Republic Act 9165 kun Comprehensive Dangerous Drugs Act of 2002.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph