Drugs, gamit sa suyop gipasok sa mga saging

WA KALUSOT: Mga saging nga bitbit ni John Paul Celedoña, 28, gipaslakan og shabu nga iya untang itunol sa binilanggo nga si John Paul Celedoña, 28, sa prisuhan sa lungsod sa Minglanilla.
WA KALUSOT: Mga saging nga bitbit ni John Paul Celedoña, 28, gipaslakan og shabu nga iya untang itunol sa binilanggo nga si John Paul Celedoña, 28, sa prisuhan sa lungsod sa Minglanilla. MINGLANILLA BJMP

Shabu ug drug paraphernalia gipasok sa saging nga gibitbit sa dalaw sa tinguha nga ipayuhot ngadto sa bilanggoan sa Lungsod sa Minglanilla, niadtong Lunes, Enero 8, 2024, apan napakgang.

Ang niduaw wa na makauli, napriso og diretso.

Wa molampos ang dalaw nga si John Paul Celedoña, 28, ulitawo, taga Brgy. Tungkop, Minglanilla sa iyang pamaagi.

Sa naandan, ang jail officers mosusi sa tanang gidala sa mga modalaw ngadto sa ilang facility.

Busa, ang tanang saging lakatan nga usa ka pungpong gipangpanitan sa jail officer ug gipikas aron matino ang su’d niini.

Si JO1 Melvin Sanico, sa searching area sa jail facility, nagkanayon nga kabahin sa ilang standard Operating Procedure (SOP) nga sutaon ang mga dala sa mga bisita aron malikayang makalusot ang mga kontabando.

Ang saging dala ni Celedoña alang sa iyang bisitahon nga priso nga si John Paul Celedoña, 28, nahimutang sa Dorm 6.

Paghiling sa dala’ng saging, nasuta nga gipasok ang usa ka pakiteng shabu ug nilukot nga tinfoil.

Ang maong dalaw gipusasan ug mag-atubang og kasong kalapasan sa Republic Act 9165.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph