DSWD 7 gipasidunggan sa Cebu City alang sa adbokasiya sa kababayen-an

Nakadawat og pag-ila ang Department of Social Welfare and Development (DSWD) Field Office 7 gikan sa Kagamhanan sa Dakbayan sa Sugbo atol sa culminating activity ug awarding ceremony sa Women's Month niadtong Marso 20, 2025, sa Holiday Plaza Hotel sa Dakbayan sa Sugbo.

Gihatagan og pasidungog sa kagamhanan sa Dakbayan sa Sugbo ang DSWD 7 pinaagi sa plaque of appreciation alang sa walay puas nga paning­kamot sa pagpalig-on sa kababayen-an ug sa pagpanguna sa Inter-Agency Council Against Trafficking-Violence Against Women and Children (IACAT7-VAWC).

Dugang pa, gipasidunggan si Regional Director Shalaine Marie S. Lucero alang sa iyang bililhong kontribusyon sa pagpalambo sa katungod sa kababayen-an ug sa pagpalig-on sa panag-uban tali sa DSWD 7 ug Kagamhanan sa Siyudad sa Sugbo.

Si Division Chief for Protective Services Emma F. Pataling­hug, Women Welfare Sector Focal Person Ananisa F. Aviso, Center Head sa Regional Haven for Women Evaine Gladys L. Manzano, ug IACAT7-VAWC Secretariat Xhelxea Francesca A. Lerios maoy nidawat sa awards alang sa DSWD 7.

Bisan pa nga wala makaapil sa seremonya tungod sa mahinungdanong tahas sa Metro Manila, si Lucero nipadangat og usa ka makapadasig nga mensahe.

“Our fight for women’s empo­werment and the elimination of violence and abuse is far from over. While we have come a long way, much has to be done. But with a stronger network of women who share the same vision, we will continue to make a diffe­rence.”

Matod niya, ang maong pag-ila dili lang para kaniya kondili para sa tanang babayeng tigpasiugda sa maong kawsa sama sa mga kawani sa DSWD, mga kauban nga stakeholders, ug matag babaye nga nagpadayon sa paningkamot nga mobangon gikan sa ilang kahimtang.

“One day, we will all look back with pride at what we have accomplished and acknowledge the impact that we have made. I urge everyone to remain steadfast in our commitment because we are exactly where we need to be—at the forefront of this movement, with all the women of Central Visayas behind us,” dugang niya.

Isip co-chair sa IACAT7-­VAWC, ang DSWD 7 nanguna sa konseho sa mga ahensiya sa gobiyerno ug non-government organizations sa pagtubag sa critical issues nga nakaapekto sa kababayen-an ug kabataan ilabi na ang VAWC, Online Sexual Abuse or Exploitation of Children (OSAEC), ug Human Trafficking. / PR