DSWD 7 miapil sa ‘Kapihan sa PIA 7’

GUEST: Si DSWD Field Office 7 Regional Director Shalaine Marie S. Lucero (wala) maoy guest sa 'Kapihan sa Bagong Pilipinas' nga gidumala ni PIA-7 Regional Director Fayette C. Rinen. / Tampo
GUEST: Si DSWD Field Office 7 Regional Director Shalaine Marie S. Lucero (wala) maoy guest sa 'Kapihan sa Bagong Pilipinas' nga gidumala ni PIA-7 Regional Director Fayette C. Rinen. / Tampo

Ang Department of Social Welfare and Development (DSWD) Field Office 7 miduyog sa nationwide simultaneous rollout sa Kapihan sa Bagong Pilipinas nga gipasiugdahan sa Presi­dential Communications Office pinaagi sa Philippine Information Agency (PIA).

Ang ikatulo nga leg sa Kapihan nagpakita sa mga nahimo sa mga programa ug serbisyo sa DSWD, mga update sa pagpatuman, ug mga inobasyon nga gipatuman karon sa tibuok rehiyon.

Si DSWD 7 Regional Director Shalaine Marie S. Lucero nitaho sa mga nahimo sa mga programa, proyekto, ug serbisyo nga gipatuman sa Field Office 7 ug miila nga ang tanang pagpatuman nila sa programa nakigtambaya­yong sila sa local government units ug sa suporta sa partner agencies ug civil society organi­zations.

Ang kalihokan gi-live-stream pinaagi sa opisyal nga social media pages sa PIA sa tibuok rehiyon ug sa Radyo Pilipinas sa Sugbo.

Gipasigarbo ni Lucero ang mga paningkamot sa ahensya. Gipasalamatan niya ang media sa higayon nga hisgutan kon unsa ang nahimo sa field office hangtod karon ug gitubag ang mga pangutana gikan sa mga kauban sa media.

Si PIA 7 Regional Director Fayette C. Rinen maoy host sa Kapihan sa PIA, nga gitambungan sa media partners nga nagrepresentar sa dyAR-SMNI, dyLA, dyRF, Daily Tri­bune, The Freeman, ug dyMR-Radyo Pilipinas Cebu. /PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph