Sa tuig 2024, ang Department of Social Welfare and Development (DSWD) Field Office 7 - Central Visayas nikumpleto og kinatibuk-ang 20 ka rescue operations subay sa hangyo sa nagkalainlaing ahensiya sa law enforcement.
Ang victim-survivors naglakip sa mga biktima sa commercial sexual exploitation of children (CSEC) o prostitusyon, online sexual abuse or exploitation of children (OSAEC), ug anti-child sexual abuse or exploitation materials (CSAEM).
Lakip usab ang human trafficking nga may kalabutan sa Philippine Offshore Gaming Operations (POGO) ug sekswal nga pag-abuso sa kabataan.
Nakig-alayon ang rescue team sa DSWD 7 nga gilangkuban sa mga lisensyado nga social worker sa mga ahensiya sa law enforcement aron masiguro ang kaayuhan ug kaluwasan sa victim-survivors samtang gihimo ang mga rescue operation.
Gitumbok ni Regional Director Shalaine Marie S. Lucero ang tulo ka mga hinungdan nga nakatampo sa epektibo nga suporta sa ahensiya sa rescue operations.
“One is that our pool of social workers are in place, alert 24/7, and ready to be deployed anywhere in the region should there be a request. Second, our centers and residential care facilities are centers of excellence which meet the required standards of facilities should they need temporary shelter. And third, is our improved collaboration and coordination with law enforcement agencies and local government units,” matod niya.
Kini nga mga hinungdan naghatag ug kumpiyansa sa publiko ug sa law enforcement agencies nga ang victims-survivors makabaton ug kasiguruhan, pagpanalipod, ug suporta gikan sa gobiyerno pinaagi sa DSWD.
Ang DSWD 7 aduna usab processing center nga mag-assess sa victim-survivors ug maghatag og mga posibleng interbensiyon samtang naghulat kon asa sila angay nga ibutang. Kini maghatod kanila sa usa ka dalan nga makapahupay sa ilang mga trauma, mapaubos sa rehabilitasyon, ug mag-andam kanila alang sa luwas nga reintegrasyon.
Pinaagi sa Recovery and Reintegration Program for Trafficked Persons (RRPTP) nga usa ka halapad nga programa alang sa mga biktima sa trafficking, mga 215 ka indibidwal ang nakadawat og nagkalainlaing tabang sama sa psychosocial counseling, edukasyon, panginabuhian, ug medikal nga tabang.
Ang uban sa mga victim-survivor gi-refer usab alang sa admission sa mga sentro ug residential care facilities sa Departamento sama sa Home for Girls ug Regional Haven for Women alang sa temporaryong puy-anan.
Sa Nobiyembre 25, 2024, ang Departamento nakapagawas og total nga P823,000 aron tabangan ang mga serbisyo nga gihatag sa RRPTP.
Isip kabahin sa kampanya aron mapugngan ang trafficking sa mga tawo ug ang pagpalapad sa OSAEC sa komunidad, ang DSWD nagdumala sa nagkalainlaing mga adbokasiya nga kalihukan uban sa Inter-Agency Council Against Trafficking: Violence Against Women and Children (IACAT7-VAWC).
Lakip sa mga kalihukan ang paghatag og kahibalo bahin sa trafficking sa mga tawo sa mga GAD/VAWC focal personnel sa mga highly-urbanized nga mga siyudad ug ang kampanya para sa mas luwas nga internet alang sa mga estudyante sa high school. / PR