Ang Department of Social Welfare and Development Field Office (DSWD)) 7 nipasalig sa publiko nga aduna kini igong mga butang ug mga stock nga andam nga ipakatap sa panahon sa dagkong mga katalagman.
Matod ni DSWD 7 Regional Director Shalaine Marie S. Lucero, ang departamento adunay preposisyon nga 46,375 ka family food packs nga nagkantidad og P33.4 milyunes ug 7,737 ka non-food items nga nagkantidad ug P16.8 milyunes sa 68 ka LGUs sa tibuok rehiyon ilabi na kadtong anaa sa geographically isolated areas o island municipalities.
Dugang pa, kining mga prepositioned goods gibutang sa Bohol nga adunay total nga 8,913 FFPs ug 3,506 NFIs; sa Sugbo nga adunay 20,751 ka FFP ug 13,382 ka NFI; sa Negros Oriental nga adunay 40,954 ka FFP ug 1959 ka NFI; ug sa probinsiya sa Siquijor 6,133 ka FPP ug 1,356 ka NFI.
Gitataw niya nga sa tibuok Central Visayas, ang ahensiya nakaandam na og 76,751 ka Family Food Packs, 20,203 non-food items, standby fund nga P500,000 ingon man mga hilaw nga materyales, ready-to-eat meal, ug tubig.
Gawas sa pagkaon nga giandam, lakip sab ang family kits, hygiene kits, kitchen kits, sleeping kits, ug modular tents.
HINABANG
Ang DSWD 7 nakadugang sa kinatibuk-ang 205,046 ka mga pagkaon ug dili pagkaon nga katumbas sa PHP 113.8 milyunes ngadto sa 203,046 ka pamilya nga apektado sa El Niño, Low Pressure Area (LPA), southwest monsoon, tropical storm Kristine, ug Mt. Kanlaon Volcano eruption.
Para sa El Niño, adunay kinatibuk-ang 108,962 ka FFPs nga nagkantidad ug PHP 66 milyunes ang naapudapod ngadto sa 107,796 ka apektadong pamilya sa 55 ka LGUs sa Rehiyon 7.
Samtang, 3 ka LGUs sa rehiyon ang nakadawat sa kinatibuk-ang 9,214 ka FFPs nga nagkantidad ug P5.2 milyunes tungod sa epekto sa Low-Pressure Area (LPAs).
Adunay usab kantidad nga 30,185 ka FFP nga mokabat sa 22.4 milyon ang naapektuhan sa TS Kristine sa 18 ka LGU sa rehiyon. Ang mga apektadong pamilya maoy 30,169.
Naapudapod usab ang 5,213 ka FFPs nga nagkantidad ug PHP 3 milyon sa 5,164 ka apektadong pamilya sa 3 ka LGU sa rehiyon. Nagsilbi ang Visayas Disaster Response Center (VDRC) sa Dakbayan sa Mandaue nga hub alang sa pag-repack ug pagtipig sa mga pagkaon ug dili pagkaon sa Departamento ug padayon nga naghatag og suporta dili lamang sa Kabisay-an kon dili sa ubang mga rehiyon.
Gihisgutan ni Director Lucero nga ang VDRC makasuporta sa Visayas ug pipila ka bahin sa Mindanao sama sa nakita sa bag-ohay nga mga katalagman nga miigo sa nasod. “Ang VDRC nag-deploy og 530,766 ka FFP sa Field Offices V, VI, VIII, XII, ug bisan sa rehiyon 7, diin ang VDRC naglihok. Gipasabot niya nga ang VDRC kinahanglang adunay labing menos 250,000 ka FFP sa bodega nga makatubag sa dagkong mga katalagman bisan unsang orasa. / PR