Andam na sa paghatag og suporta ug tabang ang Department of Social Welfare and Development (DSWD) Field Office 7 – Central Visayas sa Negros Island Region (NIR) isip tubag sa bag-ohay lang nga pagbuto sa Mt. Kanlaon.
Ang mga kawani sa DSWD Disaster Response Management Division (DRMD) uban sa Philippine Coast Guard maoy nangulo sa pagpanghakot sa mga Family Food Packs (FFPs) sa usa ka lungsod sa Negros Oriental isip kabahin sa prepositioning plan aron andam sa bisan unsang kalit nga katalagman nga mahimong mahitabo sa lalawigan.
Si DSWD 7 Regional Director Shalaine Marie S. Lucero, CESO III, namahayag nga nangandam na ang departamento sa pagbuto pinaagi sa pagbutang og mga immediate food and non-food items (FNIs) sa kasikbit nga lungsod sa Canlaon City.
“In response to the recent volcanic unrest of Mt. Kanlaon, DSWD 7 has prepositioned 38,383 Family Food Packs across the Negros Island Region, ensuring swift support to affected families. Additionally, essential non-food items, such as hygiene, sleeping, and kitchen kits, have been stocked in nearby towns,” matod ni Lucero.
Dugang pa, gihatagan og gibug-aton ni RD Lucero nga andam ang DSWD 7 sa pagdugang og mga tawo aron motabang sa Provincial Local Government Unit (PLGU) sa Negros Oriental kon mosamot ang kahimtang.
“Our Quick Response Team (QRT) is on standby to provide technical assistance to the PLGU of Negros Oriental if alert level 4 is declared. With thorough training and preparedness, we are confident that, by working together, we can save more lives and effectively manage the situation,” sigon niya.
Pila ka bulan sa wala pa ang pagbuto sa bulkan niadtong Mayo 13, 2025, gisiguro sa DSWD 7, pinaagi sa Disaster Response Management Division (DRMD) ang pagbutang sa mga Family Food Packs (FFPs) sa kasikbit nga lungsod sa Canlaon City aron mahatagan dayon nga tabang sa mga apektadong pamilya.
Sa Negros Oriental, 38,383 ka FFPs nga nagkantidad ug P24,636,754 ang gibutang sa nagkalainlaing lungsod sa probinsiya.
Sa Mayo 13, 2025, ang Department of Social Welfare and Development (DSWD) Field Office 7 nagbutang sa Family Food Packs (FFPs) sa tibuok Negros Oriental diin ang Ayungon adunay 15,103 ka FFPs, Bais City 500, Bindoy 1,400, Canlaon City 3,194, 8, Guihul 1, 194, San Jose 4 800, Santa Catalina 1,226, Tayasan 1,850, Vallehermoso 4,630.
Samtang, ang DSWD adunay standby funds nga P2,000,000.
Gipasiugda ni Disaster Response Management Division (DRMD) Chief Lilibeth Cabiara nga ubos sa paggiya ni Regional Director Shalaine Marie S. Lucero ug aktibong partisipasyon sa Regional Disaster Risk Reduction and Management Council, estratehikong gisusi sa dibisyon ang posibleng epekto sa pagbuto aron maseguro ang usa ka aktibo ug koordinado nga tubag.
“The continued unrest of Mt. Kanlaon in the previous months led us to apply our disaster preparedness and response strategic plan. The prepositioning of the various Food and Non-food Items underwent a collaborative process between the Regional Disaster Risk Reduction Management Council (RDRRMC) members, especially with the active involvement of the Disaster Response Management Division (DRMD) as Vice Chair of Disaster Response,” pagpaambit ni Cabiara.
SITWASYON GI-MONITOR
Pinaagi sa iyang City and Municipal Action Team (CMAT) sa Canlaon City, ang DSWD 7 nagpadayon sa pag-monitor ug pag-assess sa sitwasyon sa matag gitudlo nga evacuation area aron masiguro ang tukma sa panahon ug epektibo nga pagtubag sa mga panginahanglanon sa mga mobakwit nga pamilya.
Base sa DROMIC Report sa DSWD 7 Disaster Response Information Management System (DRIMS), walay gikatahong casualty ug walay dugang pamilya ang sulod sa pito ka evacuation centers sa Canlaon City.
Niadtong Mayo 13, 2025, nibuto ang Mount Kanlaon sa Isla sa Negros nga nakamugna og lima ka minuto nga pagbuto nga adunay abo nga nitaas og 4.5 kilometros ibabaw sa summit.
Ang Philippine Institute of Volcanology and Seismology (PHIVOLCS) nag-isyu og Alert Level 3 nga nagpakita sa padayon nga kalihukan sa bulkan ug usa ka potensyal alang sa dugang nga pagbuto. / PR