Gianunsyo sa Department of Social Welfare and Development (DSWD) - Disaster Response Command Center ning Dominggo, Agusto 23, 2026, ang blue alert status samtang gi-monitor niini ang usa ka bag-ong bagyo (international name Saudel), nga posibleng mosulod sa Philippine Area of Responsibility (PAR) sugod karong Lunes, Agusto 24, sa labing sayo.
Matod sa assistant secretary sa DSWD-Disaster Response and Management Group nga si Irene Dumlao sa usa ka news release, ang alert status gipaubos human ang National Disaster Risk Reduction and Management Council nipaubos usab gikan sa red (kinatas-an) ngadto sa blue (standby) niadtong Huwebes sa gabii, Agusto 20.
Ang blue alert sa DSWD nagpasabot nga hugot nga gibantayan ang dagan sa panahon ug kahimtang sa komunidad; andam na ang relief goods ug family food packs (FFPs) sa mga bodega; ug ang mga team nakig-estorya sa mga lokal nga lider aron magplano sa paspas nga paghatag og tabang kon gikinahanglan.
“Bagamat may pagbaba sa alert status, patuloy pa rin ang pagbabantay at koordinasyon ng DSWD sa iba’t ibang ahensya ng gobyerno at mga lokal na pamahalaan na nangangailangan ng tulong dahil sa mga nagdaang bagyo at enhanced habagat. Handa rin ang DSWD na tumugon para sa anumang posibleng epekto ng bagong weather disturbance na nasa labas ng PAR,” sulti ni Dumlao, kinsa mao usab ang tigpamaba sa DSWD.
Hangtod niadtong Sabado, Agusto 22, ang DSWD adunay imbentaryo nga kapin sa 3.7 milyon ka kahon sa FFPs sa strategic hubs, spokes, ug last-mile areas sa tibuok nasod.
Lakip niini ang kapin sa 369,000 ka mga kahon sa FFPs nga anaa sa Luzon Disaster Resource Center sa Pasay City; kapin sa 512,000 ka mga kahon sa FFPs sa Visayas Disaster Resource Center sa Mandaue City; ug kapin sa 174,000 ka mga kahon sa FFPs sa Mindanao Disaster Resource Center sa Butuan City, nga ubos sa pagdumala sa DSWD Field Office Caraga.
Anaa usab sa labing minus P667 milyon nga standby funds sa DSWD.
“Alinsunod as utos ni Pangulong Ferdinand R. Marcos Jr., tinitiyak namin na madaling mai-dedeploy ang mga kinakailangang logistical requirements ng mga DSWD field offices sa mga lugar na maaapektuhan ng masamang panahon. Nakahanda ring kumilos ang aming mga response team anumang oras,” dugang ni Dumlao.
Gipahinumdoman usab niya ang publiko nga magpabiling alerto ug andam batok sa posibleng mga pagbaha ug pagdahili sa yuta. / PNA
