Duha ka balay sa Talisay nasunog

Duha ka balay sa Talisay nasunog
Hulagway gikan sa BFP Talisay City

Nabulabog ang mga lumulupyo sa Palm River Subdivision-Joanna Homes, Biasong, Siyudad sa Talisay, Sugbo sa dihang duha ka balay ang naigo sa sunog.

Kini ang gibutyag ni F02 Mar Dee II Auxtero, fire investigator sa BFP Talisay City, Cebu nga gikahinabi sa SunStar Super Balita.

Matod niya nga ang sunog nagsugod sa dos andanas nga balay ni Angie Padernal, 41, ug gipuy-an nila ni Vanessa Kyeth Larita ug mga kauban.

Ang sunog gipasaka sa unang alarma alas 3:17 kagahapon sa hapon Mayo 12, 2024, nakontrolar sa alas 3:36 sa hapon, ug na fire out alas sa 3:45 sa hapon. Ang danyos gibana-bana nga mobalor og P720,000.00.

Padayon pa ang imbestigasyon kon unsay hinungdan sa maong sunog.

Si Auxtero nagkanayon nga wa hinuoy naangol sa maong sunog nga naka-apekto sa duha ka balay, diin ang usa hingpit nga ugdaw.

Duha ka pamilya ang na-apektohan nga gilangkuban sa 4 ka mga taw. (DVG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph