Magtakiang ang opensa sa Brooklyn Nets sa pagpadayon sa ilang kampanya sa 2023-24 National Basketball Association (NBA) gumikan kay dili makaduwa ang ilang leading scorer nga si Cam Thomas sa magsunod nga duha ka mga semana.
Naangol (sprained left ankle) si Thomas atol sa kadaugan sa Nets batok sa Los Angeles Clippers, 100-93, niadtong Huwebes dihang nakatunod siya og tiil sa laing magduduwa.
Nagkanayon ang Nets nga kinahanglan pa susihon og balik ang kondisyon ni Thomas human sa duha ka mga semana.
Si Thomas nag-average og 26.9 puntos sa 2023-24 season.