Gisalikway ni Deputy Speaker ug Cebu 5th District Rep. Vincent Franco “Duke” Frasco ang mga huhungihong nga nagtinguha siya sa Speakership sa 20th Congress.
Matod niya nga wala siya moluwat og bisan unsang desisyon kalabot sa labing taas nga posisyon sa Ubos Balay Balauranan. Kini iyang giluwatang pamahayag niadtong Lunes, Hunyo 23, 2025.
Gisubli niya ang iyang pasalig sa mga mosunod sa mga polisiya ni Presidente Ferdinand Marcos Jr. ang kamahinungdanon sa pagpalambo sa panaghiusa sa nasod ug sa mga paningkamot alang sa kalambuan.
“I have not made any decision—much less offered myself—for the position of Speaker of the House in the 20th Congress,” nagkanayon si Frasco.
“My commitment to the President’s vision remains firm. I believe the House of Representatives must be a united and proactive partner in delivering meaningful, lasting change for the Filipino people,” iyang gidugang.
Giingon ni Frasco nga kon aduna may botasyon sa speakership, iyang suportahan sila si Navotas Rep. Tobias “Toby” Renald Tiangco o ang umaabot nga Bacolod Rep. Alfredo Abelardo “Albee” Benitez.
Sa sayong bahin sa Hunyo, gipahayag sa kongresista nga wala siya mopirma sa manifesto nga nagsuporta sa pagpabilin ni 1st District Rep. Ferdinand Martin Romualdez isip Speaker.
Giklaro niya nga ang iyang desisyon wala gitumong aron magkabahinbahin ang Kongreso, apan nanawagan alang sa accountability ug panaghiusa sa Ubos Balay Balaoranan.
Sa deklarasyon ni Frasco, ang National Unity Party (NUP) nipalagpot kang Frasco tungod sa paglapas sa disiplina ug panaghiusa sa partido.
Sumala ni NUP president ug Camarines Sur Rep. L-Ray Villafuerte, ang pagdumili ni Frasco sa pagsuporta kang Romualdez nakita isip paglapas sa opisyal ug nagkahiusa nga posisyon sa partido. / DPC