Nagmalampuson ang pagpahigayon sa IPI Run 2025 diin giapilan og dul-an 16,000 ka runners didto sa SM Seaside City Cebu, Mayo 25, 2025.
Si Prince Joey Lee sa Spectrum Runners Club maoy nahimong men’s champion sa 21-kilometer race human niya matapos ang rota sulod lang sa 1 hour 16 minutes ug 18 seconds.
Naa sa ikaduhang pwesto si Oswaldo Arcelo nga nauwahi lang og 53 segundos, samtang si Joseph Arnel Emia maoy nakakuha sa ikatulong pwesto sa oras nga 1:22:13.
Sa women’s division, midaog si Artjoy Torregosa (1:25:51), nakuha ni Michelle Zamora (1:26:28) ang ikaduha nga pwesto samtang si Kay Razel Cundangan (1:32:23) nakakuha sa ikatulong pwesto.
Sa 16K nga kategorya, si Darwin Lucaylucay ang nakadaog sa men’s division sa oras nga 58:55, samtang si Asia Paraase ang nanguna sa women's division sa oras nga 1:11:32.
Si Junjie Gemarino (1:01:36) ug si Edilberto Batiancila (1:13:03) ang mga runner-up ni Lucaylucay; samtang si Stephanie Cadosale (1:12:28) ug si Jane Cardoza (1:25:26) ang misunod kang Torregosa.
Sa 10K nga kategorya, ang top 3 sa men’s division mao sila si Louie Jay Lastra (35:54), Carlo Gemparo (36:54), ug Venice Jade Lavador (44:17); samtang sa women’s division, ang nanguna mao sila si Ma Elfie Monsendo (52:08), Rhea Calandingan (56:53), ug si Ali Riesco.
Samtang, ang mga podium finishers sa 5K mao sila si Janry Pelones (16:45), Jessie Abelgos (16:46), ug Kent Gabino (17:57) sa men’s division; ug si Gretchen Sambo (20:47), Jemary Cañon (21:21), ug Kydie Ashriel Guinto (21:24) sa women’s division. / RSC