Gibanabana nga 699 ka mga benepisyaryo gikan sa Department of Labor and Employment–Tulong Panghanapbuhay sa Ating Disadvantaged/Displaced Workers (Dole-Tupad) ug sa regular nga Project LAWA@BINHI ang nitambong sa usa ka tulo ka adlaw nga Cash-for-Training (CFT) nga gipahigayon ning buwan sa Agusto sa Lungsod sa Barili, Probinsiya sa Sugbo.
Ang maong training nagtutok sa Climate Change Adaptation and Mitigation (CCAM) ug sa paghuman sa plano sa project sites sa matag benepisyaryo.
Ang mga sesyon gipangulohan sa Disaster Response Management Division (DRMD) Chief sa DSWD Field Office VII nga si Lilibeth Cabiara, uban sa DRMD staff nga si King Lim.
Gisundan kini sa pag-organisar sa Technical Working Group (TWG) sa lungsod aron masiguro ang koordinado ug epektibong pagpatuman sa mga proyekto.
Nitambong sa kalihukan ang mga representante sa Municipal Social Welfare and Development Office (MSWDO), Municipal Agriculture Office (MAO), ug si Mayor Pablo John Garcia nga personal nga nakig-uban sa DSWD team.
Gibati sa mga lumulupyo ug benepisyaryo ang kalipay ug pasalamat sa maong inisyatiba nga naghatag dili lang og panginabuhian kondili kahibalo sa pag-andam ug pagbatok sa epekto sa klima.
Sa tibuok kalihukan, nakita ang aktibong partisipasyon sa mga benepisyaryo pinaagi sa pangutana, diskusyon, ug pagpaambit sa ilang kasinatian sa proyekto.
Pinaagi sa #BawatBuhayMahalagaSaDSWD ug #ProjectLAWAatBINHI, gipakita sa DSWD ug lokal nga panggamhanan ang ilang tinud-anay nga pagpaningkamot sa pagpalig-on sa panginabuhian ug resiliency sa komunidad batok sa hulga sa kalamidad ug kausaban sa klima. / PR