Dul-an P100K nakawat sa paglungkab sa balay

Consolacion, Cebu. (Google Maps)
Consolacion, Cebu. (Google Maps)

Gilungkab ang usa ka balay sa Monte Carlo Greenhills Residences sa Brgy. Poblacion Occidental, lungsod sa Consolacion, alas 3 sa kaadlawon sa Sabado, Nobiyembre 11, 2023.

Apan si Khayzee Julianna Sanchez Rodriguez, 20, dalaga, nitaho sa kapulisan pasado na alas 6 sa buntag sa samang adlaw.

Ang kapulisan sa Consolacion ubos sa kamanduan sa hepe nga si Lt. Col. Verrniño Noserale niresponde apan ning pagsuwat, pabiling wa pa mailhi ang kawatan.

Sa imbestigasyon ni Polcie Staff Sgt. Rechie Gilleran, ang kawatan nakasu’d sa balay agi sa sliding window ug nisakiyo sa mga mahalong butang samtang nangatulog pa ang mga tagbalay.

Nakuha sa kawatan mao ang laptop nga P45,000, cellular phone (iPhone 13) nga balor og P45,000 uban sa

power bank nga nagkantidad og P2,000.

Lakip sa nakuha ang mahalong sapatos nga nikantidad og P6,000 ug pitaka nga may sud nga P2,000.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph