Dunn, Smith Jr. gisuspenso

Gipangsuspenso sa National Basketball Association (NBA) sila si Utah Jazz guard Kris Dunn ug Jabari Smith Jr. sa Houston Rockets gumikan sa ilang pagkahilambigit sa kasamok nga nahitabo atol sa duwa sa duha ka mga kampo niadtong Dominggo, Marso 24, 2024 (PH time).

Duha ka mga adlaw nga suspensyon ang nadawat ni Dunn samtang usa kang Smith Jr.

Parehong layo sa bola sila si Dunn ug Smith Jr. dihang nagbinigyanay sila sa nahabiling 11:55 minutos sa 2nd quarter sa duwa diin ningdaug ang Rockets, 147-119.

Mas bug-at ang silot ni Dunn gumikan sa iyang pagsuway og sukmag kang Smith Jr. / AP