Ang All-Star forward nga si Kevin Durant gibalita nga gustong mabalhin sa Houston Rockets, San Antonio Spurs o Miami Heat sa iyang paghawa sa kasamtangan nga team nga Phoenix Suns sa National Basketball Association (NBA).
Ang senior NBA reporter nga si Jake Fischer nibalita nga mas bug-at kang Durant ang Texas teams nga mao ang Spurs ug Rockets.
"It is widely presumed, furthermore, that landing with the Spurs or Rockets in Texas is highly appealing to the player himself," suwat Fischer
Si Shams Charania sa ESPN mibutyag usab nga mas palabihon ni Durant ang Spurs ug Rockets, samtang kon sa Eastern side nga teams mao ang Heat.
“Durant is on an expiring $54.7 million deal for 2025-26, and the Suns have made clear to six-to-eight seriously interested teams that they will make the best deal for the franchise – even outside of his preferred list of Miami, San Antonio and Houston,” suwat ni Charania sa iyang X account.
Dugang pa sa mga beterano nga reporter sa NBA nga bisan gusto ni Durant nga maadto sa Spurs o Rockets, dako ang posiblidad nga sa laing teams siya pangitaan og trade deal.
"League sources say that the Suns have also signaled to potential suitors that they very well could opt in the end for a trade that doesn't dispatch Durant to one of his preferred landing spots,” dugang ni Fischer.
Si Durant adunay usa ka tuig nga nahabilin sa iyang kontra sa Suns nga $54.7 million.
Samtang si Duane Rankin sa Arizona Republic mibalita nga ma-trade na gyud si Durant gawas sa Phoenix sa umaabot nga adlaw ug mahibal-an ra kon asa nga team kini.
Ang 36-anyos nga si Durant nag-average og 26.6 puntos, 6 rebounds ug 4.2 assists sa miaging season. Nakaduwa na kini og 17 ka NBA seasons sukad sa pagsulod sa NBA tuig 2007.
Sa iyang career nakaduwa si Durant ubos sa Seattle Supersonics, Golden State Warriors, Brooklyn Nets ug Phoenix Suns. Midaog siya og NBA title sa Warriors tuig 2017 ug 2018 ug mao pud ang Finals MVP sa duha ka kampiyonato. / RSC