Nangayo og tabang si kanhi Presidente Rodrigo Duterte sa Philippine Embassy sa Netherlands taliwala sa iyang pagkatanggong sa pasilidad sa International Criminal Court (ICC).
Sa usa ka pahayag, ang Philippine Embassy sa The Netherlands miingon nga ang ICC Detention Officer nagpahibalo kanila pinaagi sa tawag sa telepono nga naghangyo si Duterte nga makig-istorya sa usa ka consular officer.
Gipahibalo usab nga si Duterte mipaubos sa medical checkup ug nakadawat og medikal nga pag-atiman sa wala pa siya gibutang sa pasilidad.
Gipasabot ni Duterte atol sa pagtawag nga anaa siya sa maayo nga kahimtang sa panglawas.
“The former President then requested a visit by embassy consular officials, and also asked the embassy to assist in the request for a visit by his legal counsel and family member, respectively,” ang consular office miingon.
“Thereupon, the embassy made such request to the Registry of the ICC to facilitate a Consular Visit to the former President as soon as possible. The embassy also made a follow-up on the request for a visit by his legal counsel and his family member,” dugang niini.
Sa iyang pag-abot sa Rotterdam-The Hague Airport niadtong Miyerkules, Marso 13, gihatagan si Duterte og listahan sa mga ngalan ug contact number sa mga opisyal sa embahada nga mahimong makontak pinaagi sa mobile phone alang sa bisan unsang consular assistance nga iyang gikinahanglan.
Ang Philippine Embassy sa The Netherlands niingon nga si Duterte nanawag ug nakigsulti usab kang kanhi Executive Secretary Salvador Medialdea nga usa sa iyang mga kauban atol sa iyang pagbalhin sa The Hague.
Sa usa ka handwritten power of attorney nga pinetsahan sa Marso 12, gitudlo ni Duterte si Medialdea isip usa sa iyang abogado sa ICC proceedings.
Sa laing dokumento, gihangyo ni Duterte nga tabangan siya ni Medialdea sa una niyang pag-atubang sa Pre-Trial Chamber, nga gitakda sa Biyernes, Marso 14.
Gi-acknowledge usab sa ICC registrar ang hangyo ni Duterte, nga naglakip usab sa tabang sa Office of Public Counsel for the Defence alang sa iyang unang pag-atubang. / TPM / SunStar Philippines