Nadepensahan ni Merab Dvalishvili ang 135-pound belt ba Sean O’Malley sa ikatulong round sa main event sa UFC 316, Domingo, Hunyo 8, 2025, sulod sa Prudential Center sa New Jersey.
Gipaundang ni Dvalshivili si O’Malley pinaagi sa pag tap-out sa ikatuong round aron modaog gihapon sa ilang rematch.
Walay nakapugong kang Dvalishvili (19-4), nga langkaton ang iyang ika-13 sunod nga MMA nga kadaogan. Pagkahuman sa duwa, misaka siya sa ibabaw sa cage ug misinggit paingon sa mga fans, sugod sa usa ka makusog ug masadyang selebrasyon.
“I’m on top of the world!”, singgit ni Dvalshivili sulod sa octagon.
Gipuno pa sa kadasig ang venue sa presensya nila President Donald Trump ug boxing legend Mike Tyson, nga nanan-aw sa duwa uban sa daghang fans.
Si Dvalishvili ray 135-pound champion nga nakapreserba sa iyang titulo nianang card. / RSC