Mas makakombati og insakto ang Terrafirma Dyip sa umaabot nga Philippine Basketball Association (PBA) Season 49 gumikan sa paghiabot nila ni Fil-German Christian Standhardinger ug Stanley Pringle sa ilang tugkaran.
Mao kini ang pangagpas sa karaang pambato sa Dyip nga si Juami Tiongson.
Gibuhian sa Dyip ang lain nilang mga pambato nga sila si Isaac Go ug Stephen Holt aron makuha sila si Standhardinger ug Pringle gikan sa Brgy. Ginebra Gin Kings pinaagi sa blockbuster trade.
Gipasabot ni Tiongson nga naguol siya sa pagbiya nila ni Holt ug Go apan alang kaniya, maayo ra sab nga bugti sila si Stanghardinger ug Pringle.
Sa tan-aw ni Tiongson, nga lahi nga opensiba ug depensa sa ilawom ang mahatag ni Standhadinger sa ilang kampo.
“Feel ko nga ang defense talagang magpo-focus na sa kanya, e. Ang laking bagay niya,” matod ni Tiongson nga napatik sa www.pba.ph. “Ang laki na ng space na nakukuha niya.”
Nidugang si Tiongson nga usa sa iyang nagustohan kabahin ni Standhardinger mao ang kinaiya niini.
“Si Stan gusto talagang manalo niyan. Ramdam ko sa practices and tune-up games namin na gusto niyang maglaro,” paghulagway ni Tiongson kang Standhardinger.
“Ang maganda sa kanya ang ganda ng attitude niya. Walang complaints.”
Sa laing bahin, matod ni Tiongson nga kayang tapakan ni Pringle ang nabiyaan nga haw-ang ni Holt sa ilang guard rotation. / ESL