Nasikop ang 41-anyos nga e-bike driver human gilusad nga buy-bust sa Philippine Drug Enforcement Agency (PDEA) 7 uban sa City Drug Enforcement Unit sa Mandaue City Police Office, Police Drug Enforcement Group 7, ug Naval Forces Central sa M. Logarta Street, Barangay Subangdaku, Siyudad sa Mandaue sa alas 4:30 sa hapon, Hunyo 17, 2025.
Ang dinakpan giila sa alyas nga si Amel, 41, taga Barangay San Roque, Siyudad sa Talisay.
Nakuha sa mga operatiba ang usa ka dakong putos nga adunay sulod sa gituohang shabu nga motimbang sa 800 gramos nga dunay estimated average market value nga P5,440,000 lakip na ang buy-bust money ug ubang ebidensya.
Matod ni Leia Alcantara, Information Officer sa PDEA 7 nga duha ka semana nila nga gipaubos sa case buildup ang maong suspek nga bag-ong identified si Amel sa PDEA ug sa PNP nga involved sa maong kalihukan.
Ang Subangdaku gideklarar nga drug cleared barangay apan nasuta nga gikataho nga gihimo lang nga area of transaction sa ilegal nga drugas. / AYB