Nanamilit si Filipina tennis ace Alex Eala ug ang iyang partner nga si Rebeka Masarova sa Sweden sa 1st round sa Lexus Birmingham Open 2025 Women’s Doubles sa Great Britain niadtong Lunes sa gabii, Hunyo 2, 2025 (PH time).
Sila si Eala ug Masarova nasugamak sa kapildihan batok sa Australians nga sila si Ellen Perez ug Storm Hunter, 6-4, 6-4.
Ning maong kapildihan, si Eala makatutok na sa iyang kampanya sa women’s singles diin iyang makontra si Linda Fruhvirtova sa Czech Republic sa 1st round.
Ning maong torneyo, gisugdan ni Eala ang iyang grass-court season sunod sa iyang kampanya sa clay court diin nisalmot siya og upat ka mga torneyo lakip na niini ang French Open. / ESL