Padayon si Filipina tennis ace Alex Eala sa pagkulit og kasaysayan human siya nakaposte og bag-ong career-high isip world No. 18 sa labing bag-ong gawas nga rankings sa Women’s Tennis Association (WTA) sa Lunes, Agusto 25, 2026.
Si Eala nisaka og duha ka mga andana human sa iyang kampanya sa Cincinnati Open sa Ohio, USA ug pipila ka mga adlaw sa dili pa siya makighinampakay sa mas prestihiyusong US Open sa New York.
Sa WTA, nabuak ni Eala ang kanhi rekord sa Southeast Asia nga world No. 19 nga parehong gigunitan nila ni Tamarine Tanasugarn sa Thailand ug Yayuk Basuki sa Indonesia.
Kining maong kalambuan, gilaumang makahatag ni Eala og dugang kadasig sa iyang kampanya sa US Open kansang main draw sugdan karong Dominggo, Agusto 30.
Sa US Open, tulo ka events ang salmutan ni Eala. Kini mao ang mixed doubles, women’s singles, ug “Stars of the Open” exhibition event. / ESL