Nisaka og usa ka ang-ang si Filipina tennis star Alex Eala sa bag-ong rankings nga gipagawas sa Womne’s Tennis Association (WTA) niadtong Lunes, Mayo 19, 2025.
Nahimo na si Eala nga world No. 69. Nahitabo kini bisan sayo siyang nanamilit sa Italian Open singles diin napilde siya sa 1st round batok ni Ukarainian Marta Kostyuk.
Ang partner ni Eala sa Italian Open doubles nga si American Coco Gauff nahimo na karong world No. 2 human siya nakaabot sa finals sa singles diin napilde siya ni Italian Jasmine Paolini, kinsa mao na sab karon ang world No. 4. / ESL