Sagubangon ni Filipina tennis star Alex Eala karong Martes, Oktubre 14, 2025, ang labing una niyang tahas sa Japan Open diin kontrahon niya ang usa ka qualifier alang sa round-of-32.
Ning pagsuwat, wala pa masayri kon kinsa ang labing unang kontra ni Eala ning Women’s Tennis Association (WTA) 250 tournament.
Ubay-ubay nga top-ranked players ang mangapil ning maong torneyo sama nila ni top seed ug world No. 16 Naomi Osaka a Japan ug second-seed world no. 17 Linda Noskova sa Czech Republic.
Si Eala kasamtangang world ranked No. 54 nga maoy labing taas niyang naabot. / ESL