Nanamilit si Filipina tennis ace Alex Eala human siya gipukan ni Magda Linette sa Poland sulod sa duha ka sets, 6-4, 6-3, niadtong Martes sa gabii, Hunyo 17, 2025 (PH time), sa Round of 32 sa Nottingham Open sa Great Britain.
Kini maoy katapusang tahas ni Eala sa iyang kampanya sa grass court competitions.
Si Eala maoy unang niarangkada sa 1st set ug nakaposte kini og 3-0 nga bintaha apan nigukod si Linette aron ilugon ang kadaugan.
Sa 2nd set, naglabaw na sab si Eala, 3-2, apan nigukod na sab si si Linette aron ilugon ang kadaugan.
Human niini, wala na nakabangon si Eala ug nahuman ang duwa sulod sa usa ka oras ug 39 ka minutos.
Nakaabot si Eala sa main draw ning maong torneyo pinaagi sa paglupig nila ni Varvara Gracheva sa Russia ug Anca Todoni sa Romania sa duha ka qualifiers.
Sa sayo pa, si Eala, 20, ningsalmot sab og laing duha ka grass court competitions. / ESL